Мектеп 8-9 жастан, яғни 3-сыныптан бастап қабылдайды.

Мектепке қабылдану үшін жыл сайын екі рет конкурс ұйымдастырылады. Тіркелу 01.04 - 01.05 уақыт аралығында жүреді. Мамыр айының 3-4, 17-18 күндері қабылдау емтихандары өткізіледі.

Мектепке түсу үшін екі сабақтан сынақ тесті алынады: математика мен ағылшын тілі. Ол үшін сәуір айында тіркеліп, мамыр айының 16-17 күндері келіп, тест тапсырып, толық ақпарат алу қажет.

Тоқсан арасында, не жыл ортасында келіп оқу әрбір мектептің сол кездегі нақты мүмкіндігіне қарай жүргізіледі. Егер сыныпта орын жоқ болса, онда ешкімді жыл ортасында қабылдамайды.

Мектепке қабылдану үшін жыл сайын екі рет конкурс ұйымдастырылады. Алғашқысы мамыр айының 3-4 күндері, екіншісі мамыр айының 17-18 күндері емтихан өткізіледі

Тамыз айындағы сынақ жаңадан келген оқушылар үшін ұйымдастырылады. Бұл тестке мамыр айында мүлдем нашар балл алып «мүлдем оқуға түсе алмай қалғандар», ақылы оқуға қажетті балл жинау үшін қатысуына болады. / Ескерту: Мамыр айында тапсырғандар тамызда екінші рет тапсырып, жеңілдік ұтып алмауы үшін, мектеп басшысы қатаң бақылауда ұстайды

Гранттар ауыспалы, кім жақсы оқыса, сол ұтып алады. Сондықтан балалар үнемі жақсы оқып, шынайы білім алып отырмаса, грант келесі жылы басқаға берілуі мүмкін. Ол жыл соңында болатын тестте анықталады. Осы сияқты, биыл ақылы оқып жүрген бала, келесі жылы грант жеңу мүмкіндігі де жоғары.

- Грант қабылдау тестінен «абсолютті рекорд» жасаған 1-2 оқушыға және «Алтын сақа», «Алтын түлек» олимпиадасынан республикалық маңызы бар қаладан немесе облыстан бірінші орын алған оқушыға берілуі мүмкін;
- Жеңілдіктер оқушының қабылдау тестінен алған баллына қарай қаралады. Берілетін жеңілдік құны, жалпы құнның 30%-нан аспауы тиіс;
- Кейбір оқушыларға, отбасылық жағдайына байланысты 10% жеңілдік қарастырылуы мүмкін.
- Әрбір мектепте гранттар мен жеңілдіктер жеңіп алған оқушылар саны мектептегі жалпы бала санының 10%-нан артық болмауы керек.
Ескерту: Әрбір грант пен жеңілдікті беру мәселесі әр мектепте, мектеп басшылығының шешімімен жеке қарастырылады